პარლამენტის შენობის წინ დევნილთა აქცია მიმდინარეობს.
როგორც "ჯი-ეიჩ-ენს" აქციის ერთ-ერთმა ორგანიზატორმა ლაშა ჩხარტიშვილმა განუცხადა, მოთხოვნები უცვლელია _ ისინი გამოსახლების პროცესის შეჩერებასა და რეგიონებში იძულებით გახიზნულ დევნილთა უკან დაბრუნებას მოითხოვენ.
ამასთან, არ არის გამორიცხული, დევნილები თბილისში არსებულ საელჩოებში მივიდნენ და პოლიტიკური თავშესაფარი მოითხოვონ. ჩხარტიშვილის განმარტებით, შესაბამისი განცხადებები დღევანდელ აქციაზე დევნილთა სამოქალაქო მოძრაობის იურიდიული კომისიის ხელმძღვანელის მხრიდან გაკეთდა.
პარლამენტის შენობის წინ მიმდინარე აქციაში ამ დროისთვის რამდენიმე ათეული მომიტინგე მონაწილეობს.
შეგახსენებთ, რომ დევნილთა გამოსახლეობის პროცესი, რომელიც საახალწლოდ შეჩერდა, რამდენიმე დღის წინ ისევ განახლდა. იძულებით გადაადგილებულ პირებს, რომლებიც დროებით საცხოვრებლებში ცხოვრობდნენ, სამეგრელოსა და კახეთში ასახლებენ.
