კანადა და მექსიკა ამერიკულ საქონელზე საპასუხო ტარიფებს აწესებენ.
კანადის პრემიერ-მინისტრმა ჯასტინ ტრუდომ განაცხადა, რომ ოტავა აწესებს საპასუხო 25-პროცენტიან ტარიფებს 155 მილიარდი კანადური დოლარის (106 მილიარდი აშშ დოლარი ან 103 მილიარდი ევრო) ღირებულების ამერიკულ იმპორტირებულ საქონელზე.
30 მილიარდი კანადური დოლარის ღირებულების საქონელზე ტარიფები 4 თებერვლიდან ამოქმედდება, დანარჩენი კი 21 დღის შემდეგ.
კანადის მთავრობის მეთაურმა თანამემამულეებს მოუწოდა, შეიძინონ კანადური საქონელი და შვებულება არა აშშ-ში, არამედ სამშობლოში გაატარონ.
ოტავა ასევე განიხილავს სხვა ღონისძიებებს, მათ შორის მნიშვნელოვანი წიაღისეულის, ენერგიის შესყიდვების და მეზობელ სახელმწიფოსთან თანამშრომლობის სხვა ფორმებს.
კანადა ასევე აპირებს ითანამშრომლოს მექსიკასთან, რომელიც ასევე დაზარალდა აშშ-ის მიერ დაწესებული ტარიფების გამო.
ამავდროულად, მექსიკის პრეზიდენტმა კლაუდია შეინბაუმმა განაცხადა, რომ მეხიკო უპასუხებს ვაშინგტონს "სატარიფო და არასატარიფო ზომებით. მან შესაბამისი დავალებით უკვე მიმართა ეკონომიკის სამინისტროს.
ამასთან, შეინბაუმმა ღიაობა გამოთქვა მოლაპარაკებებისთვის და განმარტა, რომ პრობლემები წყდება არა ტარიფების შემოღებით, არამედ დიალოგით.
შეგახსენებთ, აშშ-ის პრეზიდენტმა, დონალდ ტრამპმა კანადისთვის, მექსიკისა და ჩინეთისთვის ტარიფების დაწესების შესახებ განკარგულებას ხელი მოაწერა.
