სტავროპოლში ე. წ. კანონიერი ქურდი ზედმეტსახელად "ხანი" და მისი ოჯახი ამოწყვიტეს. რვა ადამიანის ცხედარი ერთ-ერთი კერძო სახლის ფარეხში იპოვეს. ინფორმაციას ამის შესახებ რუსული მედია ავრცელებს.
"მოკლული ეროვნებით რუსია. მისი ზედმეტსახელია "ხანი".
მოკლული შ.პ.ს. "გლადიატორის" ხელმძღვანელი იყო. ადრე კი ქალაქ სტავროპოლის ე. წ. მაყურებელი იყო. ადრე მასზე ერთხელ უკვე მოხდა თავდასხმა, რის შედეგადაც მისი მეუღლე გარდაიცვალა თავად კი დაიჭრა. ამჯერად მისი ლიკვიდირების მეორე მცდელობა იყო. შედეგად - დაიხოცნენ თავად, მისი მეგობარი ქალი, ნაშვილები ვაჟი, ქალიშვილი და სიძე, მძღოლი, ძაღლების მომვლელი და ძიძა.
წყარო ასევე აცხადებს, რომ სახლში ნაპოვნია რვა წლის გოგონა. იგი მოკლული ბიზნესმენის შვილიშვილია. "იმ დროს, როდესაც ოჯახს ხვრეტდნენ, იგი მეორე სართულზე იყო და მულტფილმებს უყურებდა. გოგონა გადარჩა", _ აცხადებს წყარო და დასძენს, რომ გოგონა ამჟამად რუსეთის გენპროკურატურის საგამოძიებო კომიტეტში იმყოფება და ჩვენებას აძლევს.
