დღეს, 12 იანვარს, 14.00 საათზე, აფხაზეთიდან დევნილები პარლამენტის წინ საპროტესტო აქციას გამართავენ
როგორც "ხალხის პარტიის" ერთ-ერთმა ლიდერმა ალექსანდრე შალამბერიძემ "ჯი-ეიჩ-ენთან" საუბრისას აღნიშნა, აქციის მონაწილეები დევნილების გასახლების შეჩერებას მოითხოვენ. ამასთან, დევნილების სურვილია, გასული წლის აგვისტოში გასახლებულ დევნილებს თბილისში ალტერნატიული ფართები დაუკანონდეს.
შალამბერიძის თქმით, აქციის ორგანიზატორია დევნილთა სამოქალაქო მოძრაობა, რომელსაც მხარდაჭერას "ხალხის პარტია" და "კონსერვატიული პარტია" უცხადებენ.
შეგახსენებთ, თბილისში ჩასახლებულ დევნილებს საქართველოს ხელისუფლება ალტერნატიულ ფართს სამეგრელოსა და კახეთის რაიონში სთავაზობს.
