საქართველოს პრეზიდენტი მიხეილ სააკაშვილი შობას უშგულში შეხვდა.
როგორც "ჯი-ეიჩ-ენს" პრეზიდენტის ადმინისტრაციაში განუცხადეს, ქვეყნის პირველი პირი საშობაო წირვა-ლოცვას ლამარიას სახელობის ეკლესიაში უშგულის მოსახლეობასთან ერთად დაესწრო.
სადღესასწაულო ლიტურგია მესტიისა და ზემო სვანეთის ეპარქიის ეპისკოპოსმა მეუფე ილარიონმა აღავლინა.
"შობის ღამე პრეზიდენტმა უშგულში იმ 40 კომლთან ერთად გაატარა, რომლებიც საკუთარ სახლებს რთული მეტეოროლოგიური პირობების მიუხედავადაც არ ტოვებენ. მიხეილ საკაშვილმა მათ და მთელ საქართველოს ქრისტეშობის ბრწყინვალე დღესასწაული მიულოცა და ქვეყანას და მის მოსახლეობას ღვთის მფარველობა უსურვა", - აცხადებენ ადმინისტრაციაში.
