ერთსაათიანი ვადის გასვლის შემდეგ, აქციის მონაწილეები ორგანიზატორებთან და პოლიტიკოსებთან ერთად კანცელარიისკენ დაიძრნენ.
"ახლა, ჩვენთან ერთად, მშვიდობიანად, მშვიდად, წყნარად ავიდეთ სახელმწიფო კანცელარიასთან და მოვითხოვოთ, გამოვიდეს პრემიერმინისტრი და დაგველაპარაკოს. ჩვენ ვართ მშვიდობიანი მანიფესტანტები, მშვიდობიანი დემონსტრანტები, არ აყვეს არავინ პროვოკაციას, წავიდეთ, მივიდეთ და მოვითხოვოთ ამ კანონის უკან დაბრუნება და დაკავებულების გათავისუფლება", - მიმართა აქციის მონაწილეებს ლევან ცუცქირიძემ.
ერთი საათის წინ, რატი ამაღლობელმა, რომელიც აქციის სპიკერია, თქვა, რომ ხელისუფლებას 1 საათს აძლევენ, რათა რუსული კანონის უკან გაიტანონ.
