ლატვია, კანადა, სამხრეთ კორეა, შვედეთი, გერმანია და ჩეხეთი შეუერთდნენ აშშ-ის საელჩოს და მოქალაქეები მომდევნო ორი დღის განმავლობაშა გააფრთხილა რუსეთში შესაძლო ტერაქტების საფრთხის შესახებ გააფრთხლა.
კერძოდ, ლატვიის საგარეო საქმეთა სამინისტრომ, აშშ-ის საელჩოს ინფორმაციაზე დაყრდნობით, მოუწოდა თავის მოქალაქეებს სიფრთხილე გამოიჩინონ და მოსკოვში 48 საათის განმავლობაში თავი შეიკავონ მასობრივი შეკრებებისგან. უწყებამ ასევე მოუწოდა ლატვიის მოქალაქეებს დატოვონ რუსეთის ტერიტორია „საერთაშორისო უსაფრთხოების სფეროში დაძაბული სიტუაციის გამო“.
კანადის ხელისუფლებამ მოსკოვში აშშ-ის საელჩოს განცხადებაზე დაყრდნობით თავის მოქალაქეებს რუსეთში მოგზაურობისგან თავი შეკავებისკენ მოუწოდა და ისინი ტერაქტების რისკის შესახებ გააფრთხილა.
ანალოგიური განცხადება რუსეთში სამხრეთ კორეის საელჩომ გაავრცელა. საელჩომ მოქალაქეები გააფრთხილა ტერორისტული თავდასხმების საფრთხის შესახებ და ასევე აღნიშნა, რომ 8 მარტისადმი მიძღვნილ მოვლენებთან დაკავშირებით ხალხმრავალ ადგილებში უბედური შემთხვევების დიდი ალბათობაა მოსალოდნელი“.
გაფრთხილებები შვედეთის საელჩოებისა და საკონსულოების ვებგვერდზეც გამოჩნდა, რომლის მიხედვითაც ქვეყნის მოქალაქეებს ურჩევენ არ ეწვიონ რუსეთს „რეგიონში უსაფრთხოების მდგომარეობის გაუარესების“ გამო.
გარდა ამისა, რუსეთში ჩეხეთის საელჩომ მოუწოდა ქვეყნის მოქალაქეებს გამოიჩინონ განსაკუთრებული სიფრთხილე და მოერიდონ ხალხმრავალ ადგილებს „რუსეთის ფედერაციის დიდ ქალაქებში ექსტრემისტული ჯგუფების შესაძლო თავდასხმების შესახებ გავრცელებულ ცნობებთან დაკავშირებით“.
თავის მხრივ, გერმანიის საგარეო საქმეთა სამინისტრომ განაახლა რეკომენდაციები რუსეთის ფედერაციაში მოგზაურობის შესახებ და მოუწოდა ქვეყნის მოქალაქეებს, თავი შეიკავონ რუსეთში მოგზაურობისაგან.
შეგახსენებთ, რუსეთში აშშ-ის საელჩომ და დიდი ბრიტანეთის საგარეო საქმეთა სამინისტრომ 48 საათის განმავლობაში მოსკოვში შესაძლო ტერაქტების შესახებ გაფრთხილება გაავრცელეს.
