რუსეთში აშშ-ის საელჩომ და დიდი ბრიტანეთის საგარეო საქმეთა სამინისტრომ 48 საათის განმავლობაში მოსკოვში შესაძლო ტერაქტების შესახებ გაფრთხილება გაავრცელეს.
„საელჩო აკვირდება ცნობებს, რომ ექსტრემისტები უახლოეს მომავალში გეგმავენ თავდასხმებს მოსკოვში დიდ შეკრებებზე, მათ შორის კონცერტებზე, მოვუწოდებთ, აშშ-ის მოქალაქეებს მოერიდონ დიდ შეკრებებს მომდევნო 48 საათის განმავლობაში“, - ნათქვამია რუსეთში აშშ-ის საელჩოს განცხადებაში.
ანალოგიური გაფრთხილება გაავრცელა ბრიტანეთის საგარეო საქმეთა სამინისტრომაც.
ამასთან, ბრიტანეთის საგარეო უწყება ბრიტანელებს ურჩევს, მოერიდონ რუსეთში მოგზაურობას უკრაინაში რუსეთის ომით გამოწვეული რისკებისა და საფრთხეების გამო.
უწყების განცხადებით, ვითარება რუსეთში არაპროგნოზირებადია. მისივე ცნობით, შესაძლოა, სამოგზაურო დაზღვევა გაუქმდეს, თუ ბრიტანელები რეკომენდაციების მიუხედავად რუსეთში მაინც გაემგზავრებიან.