დონეცკის ოლქის ქალაქ კურახოვოზე რუსული ძალების დარტყმის შედეგად 16 ადამიანი დაშავდა, მათ შორის ორის მდგომარეობა მძიმეა. დაზიანდა სულ მცირე 15 მაღალსართულიანი შენობა.
ამის შესახებ დონეცკის ოლქის ადმინისტრაციის ხელმძღვანელი ვადიმ ფილაშკინი იუწყება.
„კურახოვო დღეს, შუადღისით ცეცხლის ქვეშ მოექცა - მტერმა ქალაქის ცენტრს დაარტყა, დაზიანდა სულ მცირე 15 მაღალსართულიანი შენობა. წინასწარი ინფორმაციით, რუსებმა მართვადი ბომბი გამოიყენეს“, - განაცხადა ფილაშკინმა.
