2010 წელს აჭარის ავტონიმიური რესპუბლიკის ბიუჯეტში წიაღით სარგებლობის ლიცენზიის გაცემიდან შესულია 871 ათას 686 ლარი.
აჭარის ფინანსთა და ეკონომიკის სამინისტროს სერტიფიცირებისა და ლიცენზირების დეპარტამენტის ინფორმაციით, 2010 წელს ჩატარებული აუქციონების შედეგად 16 ობიექტზე გაცემულია წიაღით სარგებლობის ლიცენზია. მათ შორის 9 ობიექტზე ქვიშა-ხრეშის მოპოვების მიზნით, 7 ობიექტზე სამთო კარიერის დამუშავება-მოპოვება.
სამინისტროს ინფორმაციით, დეპარტამენტის ბუნებრივი რესუსრსების ლიცენზირების განყოფილება ამზადებს და ატარებს აუქციონებს ქვიშა-ხრეშზე და სამთო კარიერების დამუშავებაზე, ხოლო მიმდინარე წლის მეორე ნახევრიდან დაიწყო ლიცენზიის გაცემა მიწისქვეშა წყლების მოპოვებაზე.
