"იმისთვის, რომ ვაჭრობის მსოფლიო ორგანიზაციაში რუსეთის გაწევრიანების საკითხი დადგეს, რუსეთმა, პირველ ყოვლისა, შესაბამისი მოლაპარაკებების დაწყების თაობაზე თხოვნით უნდა მოგვმართოს", - ამის შესახებ საქართველოს საგარეო საქმეთა მინისტრმა გრიგოლ ვაშაძემ წლის შემაჯამებელ პრესკონფერენციაზე განაცხადა.
მისი განმარტებით, როგორც კი ოფიციალური მოსკოვის მხრიდან შესაბამისი თხოვნა იარსებებს, საკითზე მოლაპარაკებები დაიწყება და პოზიციები შეჯერდება.
"ჩვენ შევაჯერებთ პოზიციებს. რუსეთის ვმო-ში გაწევრიანება არ მოხდება არც საქართველოს ინტერესებისა და არც ორგანიზაციის წესებისა და პროცედურების დარღვევით", - დასძინა მან.
