გამომცემლობა "ლოგოს პრესი" 10 წლისაა.
ამ თარიღთან დაკავშირებით რამდენიმე ღონისძიება მოეწყობა ეროვნული ბიბლიოთეკის II კორპუსის საგამოფენო დარბაზში და ლიტ-კაფე "ქარავანში.
დამსწრეები მიიღებენ ინფორმაციას "ლოგოს პრესის" გამოცემებისა და უახლოესი მომავლის პროექტების შესახებ, ჩატარდება სერიის "ისტორიული ჩანაწერები" და მისი ახალი წიგნის "ლეონარდო და ვინჩი" პრეზენტაცია; ასევე მოხდება სპეციალურად ამ დღისთვის დაგეგმილი ლოგოს პრესის კონკურსებში გამარჯვებულთა საზეიმო დაჯილდოება; გათამაშდება უფასო ლატარია და ადგილზე (მხოლოდ ამ საღამოს) ლატარიაში ყველა მონაწილეს გადაეცემა საჩუქრები და მოეწყობა წიგნების ექსკლუზიური ფასდაკლებით გაყიდვა.
ასევე, ლიტკაფე „ქარავანში" მოეწყობა საზეიმო წვეულება, ცოცხალი ჯაზის თანხლებით.
გამომცემლობა "ლოგოს პრესი" დაარსდა 2000 წლის ბოლოს. გამომცემლობის ძირითადი პრიორიტეტია საგანმანათლებლო მიმართულება: სახელმძღვანელოები, საბავშვო და საყმაწვილო ლიტერატურა; ასევე - სასაჩუქრე წიგნები და პროზა.
