უკრაინის უმაღლესი რადას ყოფილი დეპუტატის ილია კივას ლიკვიდაციის უკან უკრაინის უსაფრთხოების სამსახური დგას. ინფორმაციას უკრაინული მედია ძალოვანი სტრუქტურების წყაროზე დაყრდნობით ავრცელებს.
მანამდე რუსულმა მედიამ გაავრცელა ინფორმაცია, რომ ილია კივას ცხედარი მოსკოვის ოლქში, სოფელ სუპონევოში იპოვეს.
როგორც უკრაინული მედია წერს, ტოპ-მოღალატის, კოლაბორანტისა და პროპაგანდისტის ლიკვიდაცია უკრაინის უსაფრთხოების სამსახურის სპეცოპერაციაა.
ილია კივა ცეცხლსასროლი იარაღით არის მოკლული.
კივა რადაში პარტიიდან "ოპოზიციური პლატფორმა - სიცოცხლისთვის" მოხვდა, რომელსაც უკრაინის ხელისუფლება პრორუსულად მიიჩნევს.
მის წინააღმდეგ სისხლის სამართლის საქმე 2022 წლის მარტში აღიძრა. ომამდე დეპუტატი აქტიურად მონაწილეობდა რუსულ სატელევიზიო გადაცემებში და ესპანეთში ცხოვრობდა. ამის შემდეგ მან უკრაინის ხელისუფლება გატაცების მცდელობაში დაადანაშაულა და რუსეთს პოლიტიკური თავშესაფარი სთხოვა.
ნოემბერში ლვოვის სასამართლომ ილია კივა სახელმწიფო ღალატში დამნაშავედ ცნო და დაუსწრებლად 14 წელი მიუსაჯა.