სომხეთი ავლენს განზრახვას რადიკალურად გადახედოს საგარეო პოლიტიკას. ამის შესახებ განაცხადა რუსეთის საგარეო საქმეთა სამინისტროს სპიკერმა მარია ზახაროვამ.
„ჩემი აზრით, ეს არის ჭეშმარიტი ზრახვების დამალვის გულწრფელი მცდელობა. ცხადია, საუბარია რესპუბლიკის საგარეო პოლიტიკის ორიენტაციის რადიკალურ ცვლილებაზე, ჩემი აზრით, ეს კეთდება ძალიან მკაფიოდ დასავლეთის წინადადებით ან კარნახით“, - განაცხადა ზახაროვამ ბრიფინგზე.
ზახაროვამ ყურადღება გაამახვილა სომხეთის უშიშროების საბჭოს მდივნის არმენ გრიგორიანის განცხადებაზე, რომელმაც თქვა, რომ სომხეთმა არ იცის ერევანსა და ბაქოს შორის სამშვიდობო ხელშეკრულებასთან დაკავშირებით, მოსკოვის წინადადებების შესახებ.
„სექტემბერში, ოქტომბერში, ნოემბერში სომხურმა მხარემ მიიღო მოწვევა მოლაპარაკებების გასამართად როგორც მოსკოვში, ასევე მრავალმხრივი ღონისძიებების ფარგლებში, რაზეც ჩვენ ჯერ კიდევ არ მიგვიღია მკაფიო პასუხი... ამავდროულად, ერევანს სურს მოლაპარაკება სამშვიდობო ხელშეკრულების შესახებ ვაშინგტონში, ბრიუსელში, თუმცა არც აშშ და არც ევროკავშირი არ შეიძლება მივიჩნიოთ კეთილსინდისიერ შუამავლებად სხვადასხვა მიზეზის გამო“, - თქვა მან.
ზახაროვამ ხაზგასმით აღნიშნა, რომ შეერთებული შტატებისა და ევროკავშირის ქმედებები „ექვემდებარება რუსეთის სამხრეთ კავკასიიდან განდევნის მიზანს“.
მისი თქმით, „ერევნის დაუფიქრებელმა ფსონმა, რომ დასავლეთი მათ დაეხმარება, კრახი განიცადა.“.
"შეუძლებელია ამის არდანახვა. მიუხედავად არსებული მოწვევისა, მოლაპარაკებები სამშვიდობო ხელშეკრულებაზე კვლავ გაყინულია... რა თქმა უნდა, მსჯელობა სომხეთისთვის ფრანგული ჯავშანტექნიკის, „ბასტიონის“ მიწოდების უპირატესობებზე საკმაოდ გულუბრყვილო ჩანს", - დაასკვნა ზახაროვამ.
ნიკოლ ფაშინიანმა ბელარუსის პრეზიდენტს ალექსანდრ ლუკაშენკას სატელეფონო საუბრისას აცნობა, რომ 23 ნოემბერს მინსკში კოლექტიური უსაფრთხოების ხელშეკრულების ორგანიზაციის (ოდკბ) სამიტში მონაწილეობას ვერ მიიღებს.
