უკრაინის პრეზიდენტმა ვოლოდიმირ ზელენსკიმ განაცხადა, რომ ამ კვირის ბოლოს უკრაინისა და აშშ-ის დელეგაციებს შორის შეხვედრა გაიმართება, უკეთესი დიპლომატიური პოზიციებისა და უსაფრთხოების გარანტიების განსახილველად.
„ჩვენი გუნდი, ამერიკელ წარმომადგენლებთან ერთად, ამ კვირაში - კვირის ბოლოს - გააგრძელებს მუშაობას ჟენევის მოლაპარაკებების შედეგად მიღწეული საკითხების ისეთ ფორმამდე მიყვანაზე, რომელიც მშვიდობისა და უსაფრთხოების გარანტიების გზაზე გაგვიყვანს.
დელეგაციების შეხვედრა გაიმართება. უკრაინის დელეგაცია კარგად იქნება მომზადებული და არსებითი სამუშაოს შესრულებას აპირებს“, - განაცხადა ზელენსკიმ ვიდეომიმართვისას.
პრეზიდენტმა აღნიშნა, რომ ბოლო დღეებში ინფორმაციის მჭიდრო გაცვლა გრძელდება და პარტნიორებთან კონსულტაციებისთვის გამოიყენება.
„ჩვენ ამ დღეს, ისევე როგორც ყოველ დღეს, პარტნიორებთან კონსულტაციებისთვის ვიყენებთ. ყოველდღიურად ხდება ინფორმაციის გაცვლა, ყველა მონაცემი, რომელიც საჭიროა ოპტიმალური ნაბიჯების დასადგენად.
რუსეთის ომი გრძელდება და ყველას გვესმის, რომ რუსეთი უგულებელყოფს მსოფლიო მთავარი ძალების მცდელობებს, დაასრულონ ომი რეალური, ხანგრძლივი მშვიდობით. მაგრამ იქნება თუ არა მშვიდობა, ეს არ არის დამოკიდებული რუსეთის მხრიდან მუქარაზე, არა იმაზე, თუ რა ულტიმატუმებს აყენებენ, არამედ იმაზე, თუ რა პირობებს შესთავაზებს მსოფლიო, რათა ეს აგრესია აღარ გაგრძელდეს. და იმაზე, რასაც ჩვენ თვითონ გავაკეთებთ ჩვენი სახელმწიფოს, ჩვენი ხალხის, ჩვენი უკრაინელი ეროვნული უფლებების დასაცავად“, - თქვა ზელენსკიმ.
