ხვალ, 23 დეკემბერს, 11:00 საათზე, საქართველოს ტურიზმის ეროვნული სააგენტოში (თავისუფლების მოედანი #2, თბილისის საკრებულოს შენობა) აშშ-ის ელჩი ჯონ ბასი და საქართველოს ტურიზმის ეროვნული ცენტრის ხელმძღვანელი მაია სიდამონიძე აშშ-ის საელჩოს დემოკრატიის კომისიის მცირე საგრანტო პროგრამის მონაწილეებს სერთიფიკატებს გადასცემენ.

როგორც სააგენტო "ჯი-ეიჩ-ენს" საქართველოში აშშ-ს საელჩოდან აცნობეს, დემოკრატიის კომისიის მცირე გრანტი 18 957 დოლარის ოდენობით არასამთავრობო ორგანიზაციებს - "ალვანი 2000-სა" და "ელკანას" თუშეთში ტურიზმის მდგრადი განვითარების ხელშეწყობისათვის გადაეცა. გრანტის ფარგლებში ხსენებულმა ორგანიზაციებმა თუშეთის რეგიონში განთავსებული კერძო სასტუმროების მფლობელებსა სასტუმროს მართვის, ხოლო ტრადიციულ ფერმერებს ორგანული პროდუქტის წარმოების ტრეინინგები ჩაუტარეს.. აშშ-ის საელჩოს დემოკრატიის კომისიის მცირე გრანტი საქართველოში ტურიზმის მდგრადი განვითარების ხელშესაწყობისთვისაა განკუთვნილი.