ღარიბ სოფლებში მოღვაწე სასულიერო პირებს საპატრიარქო ფინანსურად დაეხმარება. ეს გადაწყვეტილება წმინდა სინოდმა 21 დეკემბერს გამართულ სხდომაზე მიიღო.
"წმიდა სინოდმა განიხილა ღარიბ სოფლებში მოღვაწე სასულიერო პირთა საკითხი და განაჩინა, რომ მათ გაეწიოთ გარკვეული ფინანსური დახმარება", _ აღნიშნულია საპატრიარქოს მიერ გავრცელებულ ოფიციალურ განცხადებაში.
ამავე სხდომაზე განიხილეს იმ პირთა საკითხი, რომლებიც განათლების მისაღებად რეგიონებიდან თბილისის სასულიერო სასწავლებლებში იგზავნებიან. წმინდა სინოდის გადაყწვეტილებით, ისინი აუცილებლად უნდა დაუბრუნდნენ თავიანთ ეპარქიებს.