შრომის, ჯანმრთელობისა და სოციალური დაცვის მინისტრი ანდრია ურუშაძე ჯანდაცვის პროგრამების შესწავლასთან დაკავშირებით კონტროლის პალატის გადაწყვეტილებას იწონებს.
როგორც ურუშაძემ მთავრობის სხდომის დასრულების შემდეგ ჟურნალისტებს განუცხადა, მისი უწყება მზადაა, კონტროლის პალატასთან ითანამშრომლოს.
"მზად ვართ ვითანამშრომლოთ და ხელი შევუწყოთ კონტროლის პალატის საქმიანობას. ამასთან, გავაკონტროლებთ, რომ ყველა რეკომენდაცია, რომელიც არის წარმოდგენილი, შეასრულონ ჩვენმა ცენტრალურმა და საქვეუწყებო დაწესებულებებმა", - დასძინა მან.
შეგახსენებთ, რომ მომავალ წელს კონტროლის პალატის ერთ-ერთი პრიორიტეტი ჯანდაცვის სისტემის მონიტორინგი იქნება.