რუსეთის თავდაცვის სამინისტროს განცხადებით, სმოლენსკსა და სოჭზე დრონებით შეტევა განხორციელდა.
მედიის მიერ გავრცელებული ინფორმაციით, უკრაინული უპილოტო საფრენი აპარატი თავს დაესხა სმოლენსკის ავიაქარხანას.
რუსეთის თავდაცვის სამინისტროში აცხადებენ, რომ რუსეთის თავდაცვის ძალებმა 5 დრონი გაანადგურეს.
ამასთან, სმოლენსკის მერმა მოსახლეობას სახლების დატოვებისგან თავის შეკავებისკენ მოუწოდა. ნგრევის შესახებ რუსეთის ხელისუფლება ინფორმაციას არ ავრცელებს.
ამავდროულად სოჭში განაცხადეს, რომ აეროპორტთან უპილოტო საფრენი აპარატი ჩამოაგდეს. შემთხვევის გამო 14 ავიარეისი გარკვეული დროით შეფერხდა.
