ვარკეთილში, დედა-შვილმა ბუნებრივი აირით ინტოქსიკაცია მიიღო.
შემთხვევა წუხელ მოხდა. დუდანა და გუზანა ავდალიანები ახლობლებმა საკუთარ ბინაში უგონო მდგომარეობაში იპოვეს.
წინასწარი ინფორმაციით, მათ გაზქურა ღია დარჩათ, რის გამოც ოთახში მხუთავი აირი დაგროვდა.
დაშავებულები სასწრაფო დახმარების ბრიგადამ მე-5 საავადმყოფოში გადაიყვანა. ექიმების განცხადებით, მათი ჯანმრთელობის მდგომარეობა მძიმეა, თუმცა სიცოცხლეს საფრთხე არ ემუქრება.