უკრაინას F-16-ის ტიპის ავიაგამანადგურებლებს, ნიდერლანდების შემდეგ დანიაც გადასცემს.
ამის შესახებ დანიის პრემიერ-მინისტრმა მეტტე ფრედერიკსენმა უკრაინის პრეზიდენტ ვოლოდიმირ ზელენსკისთან ერთობლივ პრესკონფერენციაზე განაცხადა.
"თქვენ და თქვენმა თანამემამულეებმა დაგვანახეთ თუ რა არის სიმამაცე. ამისთვის თქვენთან ვალში ვართ. ომის დაწყებიდან დანია იყო უკრაინის გვერდით, რადგან უკრაინის თავისუფლება - ჩვენი თავისუფლებაა. ჩვენ ასევე ვიცით, კიდვ რა გჭირდებათ. ზუსტად ამიტომ, ვაცხადებთ, რომ უკრაინა 19 ერთეულ F-16-ს მიიღებს", - განაცხადა დანიის პრემიერმა.
მანამდე, ცნობილი გახდა, რომ უკრაინა ნიდერლანდებისგან F-16-ის ტიპის 42 ავიაგამანადგურებელს მიიღებს.
ზელენსკი დანიაში დღეს, ნიდერლანდებში სამუშაო ვიზიტის დასრულების შემდეგ ჩავიდა.
