ქართულმა დელეგაციამ უკრაინაში ილიჩევსკის პორტი მოინახულა.
საქართველოს ფინანსთა სამინისტროს შემოსავლების სამსახურის ხელმძღვანელმა გიორგი ცხაკაიამ, უკრაინის სახელმწიფო საბაჟო სამსახურის უფროსთან იგორ კალეტნიკთან და უკრაინაში საქართველოს ელჩთან გრიგოლ ქათამაძესთან ერთად სარკინიგზო-საბორნე კომპლექსი დაათვალიერა.
სწორედ ამ კომპლექსის გავლით ხდება რეგულარული საბორნე მიმოსვლა, რომელიც სამმხრივი ხელშეკრულების ფარგლებში არის გათვალისწინებული.
აღნიშნული ხელშეკრულება გაფორმებულია ბულგარეთის, საქართველოსა და უკრაინის მთავრობების მიერ და ის პორტებს- ვარნა(ბულგარეთი)-ფოთი/ბათუმი(საქათველო)-ილიჩევსკი (უკრაინა), შორის სარკინიგზო გადასასვლელის ერთობლივ ექსპლუატაციას ითვალისწინებს.
შეხვედრის დასასრულს ქართულმა დელეგაციამ უმაღლეს დონეზე შეაფასა პორტის მუშაობა და უკრაინულ მხარესთან ერთად სამომავლო გეგმებიც დასახა.