სახელმწიფო საჭიროების შემთხვევაში ქვეყანაში არარეგისტრირებული მედიკამენტების შემოტანის გადაწყვეტილების მიღების უფლება შრომის, ჯანმრთელობის და სოციალურ დაცვის სამინისტროს მიენიჭება. აღნიშნულთან დაკავშირებით ცვლილება შედის "წამლისა და ფარმაცევტული საქმიანობის შესახებ" კანონში.
კანონპროექტის ინიციატორია საქართველოს მთავრობა.
კანონპროექტის ინიციატორების განმარტებით, მისი მომზადება განპირობებულია იმ განსაკუთრებული შემთხვევების არსებობით, როდესაც მაღალი სახელმწიფო ინტერესების არსებობისას საჭიროა ქვეყანაში არარეგისტრირებული მედიკამენტების შემოტანა, რომლებიც სპეციფიკური ინფექციების სამკურნალოდ გამოიყენება, რომლის მკურნალობის ხარჯებსაც სახელმწიფო ფარავს.
აღნიშნულის გათვალისწინებით კი ფარმაცევტულ ბაზრის მხრიდან არ არსებობს აღნიშნული მედიკამენტების დარეგისტრირების მოთხოვნა, თუმცა არსებობს სახელმწიფოებრივი დაინტერესება, ეს შეეხება ასევე ვაქცინების შემოტანის შემთხვევებსაც.
