"თიანეპტინის" შემცველი მედიკამენტები ურეცეპტოდ გაყიდვა მომავალი წლიდან აიკრძალება. აღნიშნულთან დაკავშირებით ცვლილება შედის "ნარკოტიკული საშუალების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ" კანონში.
როგორც დღეს ჯანმრთელობისა და სოციალური საკითხთა კომიტეტის დაწყების წინ ჟურნალისტებთან საუბრისას კანონპროექტის ერთ-ერთმა ავტორმა ლაშა თორდიამ აღნიშნა, "თიანეპტინის" შემცველი მედიკამენტების, კერძოდ კი "კოაქსილის" და "სტაბლონის" გამოყენება ხშირად არასწორი მიზნებისთვის ხდება დამ ას, როგორც ნარკოტიკულ ნივთიერებას ისე იყენებენ.
"კოაქსილის და სტაბლონის ნარკოტიკული ნივთიერებად გამოყენება ადამიანის ჯანმრთელობას დიდი ზიანს აყენებს, ხდება კანის დანეკროზება და ვითარდება კიდურების განგრინა, ასევე იწვევს სეფსის, ტოქსიკურ ენცეფალოპათიას და სხვა. ამის გათვალისწინებით კი "თიანეპტინის" შემცველი მედიკამენტები ბრუნვიდან მთლიანად ამოღება და მისი მხოლოდ ექიმის რეცეპტით გაყიდვა იქნება შესაძლებელი", - აღნიშნა თორდიამ.
აღსანიშნავია, რომ "თიანეპტინის" შემცველი მედიკამენტები სწრაფად იწვევს ტოლერანტობას, რის გამოც თავდაპირველად პრეპარატს დღეში 5-10 ტაბლეტს ღებულობენ, ხოლო დაახლებით ერთი თვის მანძილზე მისი მოხმარებიდან რაოდენობა 30-დან 100 ტაბლეტამდე იზრდება, რაც იწვევს მომხმარებლის ფსიქიკურ და ფიზიკურ დამოკიდებულებას.
პრეპარატი "კოაქსილი" კი ფართოდ გამოყენება, რუსეთში, უკრაინაში და საქართველოში. აღსანიშნავია, რომ ბოლო დროს ნარკოლოგიურ კლინიკებში მედიკამენტზე მოთხოვნილება არასამედიცინო მიზნით გამოყენების თვალსაზრისით განსაკუთრებით გაიზარდა.
