ნარკოლოგმა თამარ სირბილაძემ „ალტერნატივა ჯორჯია“ მიერ ფსიქოაქტიური ნივთიერებების შესახებ ინფორმირებულობის ამაღლებაზე მიმართულ ღონისძიების ფარგლებში მიმდინარე „ფეისბუქლაივის“ დროს დაუსვეს, მოქალაქეების იმ შეკითხვებს უპასუხო, რომელიც პრევენციის საკითხებს ეხებოდა.

თამარ სირბილაძემ, შეკითხვებზე: რატომ რეაგირებენ ადამიანები სხვადასხვაგვარად ალოკოჰლურ სასმელებზე. რამდენია ალკოლჰოლის უსაფრთხო დოზა. მავნებელია თუ არა, მოზარდისთვის ლუდის მიღება, საუბარი დაიწყო იმით, რომ ალკოჰოლი წარმოაგდნეს ერთი მხრივ, საგემოვნო ნივთიერებას, მეორე მხრივ, საგემოვნო ნივთიერებას და მესამე მხრივ, ეს არის მათრობელა შხამი.

თამარ სირბილაძე, ნარკოლოგი:  ყველამ ვიცით, რომ ალკოჰოლური სასმელები, სხვადასხვა რაოდენობით შეიცავენ სუფთა ალკოჰოლს - ეთილის სპირტს. არსებობს ცნება -ალკოჰოლის სტანდარტული დოზა. ეს არის  10 გრამი სუფთა ალკოჰოლი. 1 კათხა ლუდში, ერთ ჭიქა ღვინოში (100მილილიტრი) და 1 სირჩა არაყში, ალკოჰოლის თანაბარი რაოდენობაა და ეს არის - 10 გრ ალკოჰოლი.

მოსაზრება, რომ ლუდში ცოტა ალკოჰოლი შედის და მავნებელი არ არის, არასწორია. ლუდი ისეთივე ალკოჰოლური სასმელია, როგორც ნებისმიერი მაგარი ალკოჰოლური სასმელი. უბრალოდ, აქ არის ლაპარაკი, რაოდენობაზე. ჩვენ თუ 3-4 კათხა ლუდი დავლიეთ, ეს ნიშნავს, რომ დაახლოებით, 3-4 სირჩა არაყი დავლიეთ და თრობის ხარისხიც, ზუსტად ისეთივე იქნება.

რაც შეეხება უსაფრთხო დოზას. ალკოჰოლის უსაფრთხო დოზა განისაზღვრება იმის მიხედვით, ზოგადად ალკოჰოლი რა გავლენას ახდენს ორგანიზმზე. მოგეხსენებათ, ალკოჰოლი ყველა ორგანიზმზე ახდენს ზეგავლენას. ამის მიხედვით, მეცნიერები შეთანხმდნენ, რომ ადამიანებისთვის მოხმარება, ზოგადად, უსაფრთხოა, თუ ის დღეში 1 სტანდარტულ დოზას იღებს.

ალკოჰოლი იშლება ღვიძლში და ამაში მონაწილეობს ღვიძლის ფერმენტები. არსებობს თავისებურებები. არსებობს არა მხოლოდ ადამიანებს შორის, არამედ ერებს შორისაც, რა რაოდნოების აქვს ალკოჰოლის დამშლელი ფერმენტები ღვიძლში. ამის მიხედვით, ალკოჰოლისადმი ამტანობა განსხვავდება, როგორც ცალკეულ ადამიანებს შორის, ასევე ერებს შორისაც. ყველასთვის ცნობილია, რომ ფინელები, რუსები, უფრო მიდრეკილები არიან ალკოჰოლის მიმართ, რადგან მათ ორგანიზმში, ერთ-ერთი ფერმენტის დეფიციტის შედეგად, ავთვისებიანად მიმდინარეობს მათში ეს დაავადება. მაგალითად, ესკიმოსებსა და იაპონელებს მეორე ფერმენტის ნაკლებობა აქვთ, რომელიც ასევე ალკოჰოლის გადამუშავებაში იღებს მონაწილეობას. ისინი ცუდად იტანენ ალკოჰოლს და ამიტომ ცდილობენ, შედარებით ნაკლები მიიღონ.

ამასთანავე, ალკოჰოლის ზემოქმედება დამოკიდებულია, ადამიანის ასაკზე, სქესზე. იმაზე, თუ რა დაავადებები აქვს და რაც მთავარია, განწყობაზე.

ალკოჰოლი ითვლება უნივერსალურ ნარკოტიკად. თუ დაბოღმილები ვსვამთ, ალკოჰოლის მიღებამ, შესაძლოა, უფრო მეტად დაგვიძმიმოს ხასიათი. თუ კარგ განწყობაზე ვართ და ქეიფს ველოდებით, რაღაც გარკვეული დროის განმავლობაში, კარგ ხასიათზე ვდგებით. მეორე მსოფლიო ომის დროს, ცნობილი იყო, რომ საბჭოთა კავშირში,  ჯარისკაცებს შეტევაზე წასვლის წინ, აძლევდნენ 100 გრამ არაყს სიმამაცისთვის. შეიძლება ადამიანს ურთიერთობები გაუადვილოს, შეიძლება პირიქით - ცუდ ხასიათზე დააყენოს.

ალკოჰოლი არის ცენტრალური ნერვული სისტემის დეპრესნატი, მოქმედებს, როგორც საინჰალაციო საშუალება და დიდი რაოდენობით მიღება იწვევს ცნობიერების დათრგუნვას. რაც უნდა გააქტიურებულები ვიყოთ და კარგ ხასიათზე, ბოლო-ბოლო მივდივართ აქამდე და შეიძლება კომაშიც კი გადავიდეს ადამიანი.

ზედოზირებაზე ბევრს არ ვილაპარაკებ, რადგან ალკოჰოლზე ვისაუბრე, ვიტყვი, რომ ალკოჰოლის ზედოზირებამ შეიძლება გამოიწვიოს სიცოცხლისთვის საშიში გართულებები. იმდენად ხშირად ფატალურად არ მთავრდება, მაგრამ ერთი საკითხია გასათვალისწინებელი და მინდა, რომ მშობლებმაც და ახალგაზრდებმაც იცოდნენ: ალკოჰოლის დიდი რაოდენობის მიღების შედეგად, ორგანიზმის თავდაცვითი რეაქცია ირთვება და ვითარდება სპონტანური ღებინება. როდესაც ძალიან მთვრალია ადამიანი, არის დიდი რისკი, რომ პირნაღები მოხვდეს სასუნთქ სისტემაში. ვითარდება პნევმონიის ისეთი ფორმა, რომლის განკურნება არის ძალიან რთული და შესაძლოა, სიკვდილით დასრულდეს. ამიტომ თუ ადამიანი არის ძალიან მთვრალი, უნდა ვეცადოთ, რომ ის გვერდზე დავაწვინოთ, რომ დავიცვათ პოტენციური საფრთხისგან. 

შეგახსენებთ, რომ 27 ოქტომბერს, „ალტერნატივა ჯორჯიამ“ ევროკავშირის ფინანსური მხარდაჭერით ფსიქოაქტიური ნივთიერებების შესახებ ინფორმირებულობის ამაღლებაზე მიმართულ ღონისძიება გამართა.

ღონისძიების დროს სკოლის მოსწავლეებს, მასწავლებლებს, მშობლებს და სხვა დაინტერესებულ პირებს შესაძლებლობა ჰქონდათ, დაესვათ შეკითხვები ნარკოტიკული საშუალებების მოხმარებასთან დაკავშირებით, რომელზეც დარგის ექსპერტებმა სამეცნიერო მტკიცებულებებზე დაფუძნებულ პასუხები გასცეს.

შეხვედრას მოდერაციას უწევდა ილიაუნის ასოცირებული პროფესორი და ნარკოლოგი დავით ოთიაშვილი;