15 დეკემბრიდან ტურიზმის ეროვნული სააგენტო, კერძო სექტორთან ერთად, სვანეთში დასვენების მსურველებს, სპეციალურ ტურისტულ პაკეტებს შესთავაზებს.
ტურიზმის ეროვნული სააგენტოს ინფორმაციით, სტანდარტულ ტურისტულ პაკეტებთან ერთად, შემუშავდება ასევე "ვიიქენდ-ტურები" და "კორპორატიული პაკეტები".
ტურიზმის ეროვნული სააგენტოს თავმჯდომარის მაია სიდამონიძის განმარტებით, ყველაფერი უნდა გაკეთდეს იმისათვის, რომ სვანეთის დატვირთვა მაქსიმალურად უნდა გაიზარდოს.
"ჩვენ გვინდა, რომ სვანეთი პოპულარული სამთო-სათხილამურო კურორტი გახდეს. აქამდე მისი ტურისტული დატვირთვა ძირითადად ზაფხულის განმავლობაში ხდებოდა. სვანეთში სახელმწიფომ შესაბამისი ინფრასტრუქტურის მშენებლობა განახორციელა. გვინდა, რომ ტუროპერატორებთან ერთად შევქმნათ შესაბამისი ტურისტული პაკეტები, რათა ქართველ, ასევე, უცხოელ ტურისტებს საშუალება მიეცეთ სვანეთში ავიდნენ და შესაბამისადაც დაისვენონ",- აცხადებს ტურიზმის ეროვნული სააგენტოს თავმჯდომარე მაია სიდამონიძე.
უკვე ცნობილია, რომ მესტიის მიმართულებით ფრენებს კანადური ავიაკომპანია Kენნ Bორეკ Aირ-ი განახორციელებს, რომელიც ფრენების ოპერირებას თავადვე გააკეთებს.
როგორც გაერთიანებული აეროპორტების ხელმძღვანელი ქეთევან ალექსიძე აცხადებს, Kენნ Bორეკ Aირ-ი დიდი გამოცდილების მქონე ავიაკომპანიაა, რომელიც, ძირითადად, აფრიკულ ზოლში დაფრინავს.
ალექსიძის განმარტებით, თბილისი-მესტია-თბილისის მიმართულეით ავიაბილეთების ფასი 150 ლარიდან დაიწყება.
პირველი ეტაპისათვის ფრენები პარასკევსა და კვირაობით განხორციელდება და მზარდი მოთხოვნის პირობებში ავიარეისები კვირის სხვა დღეებშიც დაინიშნება.
რელიეფის თავისებურებების გამო ფრენები ძირითადად დღისით განხორციელდება და დღის განმავლობაში შესაძლბელი გახდება სამი რეისის შესრულება.
თბილისი-მესტიის ავიარეისს მხოლოდ ერთი სპეციალიზირებული თვითმფრინავი მოემსახურება, რომლის ბორტზეც 19 ადამიანი ეტევა. ფრენის ხანგრძლივობა 1 საათს შეადგენს
ტურიზმის ეროვნულ სააგენტოში აცხადებენ, რომ ავიაბილეთების ფასი საკმაოდ დაბალია, რადგანაც მიკროავტობუსით ერთი გზა სვანეთის მიმართულებით 40 ლარი ღირს.
ტურიზმის ეროვნული სააგენტოს ინფორმაციით, მესტიაში 3 სასტუმრო, 49 "გესტჰაუსია", რომლებშიც 429 საწოლია.
რაც შეეხება უშგულს. იქ 9 "გესტჰაუსი" ფუნქციონირებს, რომლებიც 71 ადგილზეა გათვლილი. მესტიაში მოქმედებს სასტუმროებთან არსებული 3 რესტორანი.
სტატისტიკური მონაცემებით, 2010 წლის 9 თვეში მესტიაში 11 ათას 493 ტურისტმა დაისვენა.
უცხოელ ვიზიტორებს შორის სვანეთში დასვენებით წელს ისრაელიდან ჩამოსული ტურისტები გამოირჩეოდენ, რომელთა რაოდენობამ ტურისტების 51 %-ი შეადგინა.
სვანეთი მიმზიდველი აღმოჩნდა ასევე პოლონელი (13%) და გერმანელი (11%) ტურისტებისთვის.
სტატისტუკური მონაცემების თანახმად, სვანეთში წელს ჩეხეთიდან (6%), საფრანგეთიდან (4%), იტალიიდან (2%), აშშ-დან (2%), უკრაინიდან (2%), დიდი ბრიტანეთიდან (2%), თურქეთიდან (1%), ფინეთიდან (1%), კანადიდან (1%), შვეიცარიიდან (1%), სლოვაკეთიდან (1%), ჰოლანდიიდან (1%), ესპანეთიდან (1%) და ავსტრიიდან (1%) ჩამოსულმა ტურისტებმაც დაისვენეს.
მესტიაში აეროპორტის მშენებლობა უკვე დასრულდა.
აეროპორტი თვითმფრინავების მიღებას დროის ნებისმიერ მონაკვეთში შეძლებს, ზამთარში კლიმატური პირობების გამო თვითმფრინავს დაჯდომა რომ არ გაუჭირდეს, ბორბლების ნაცვლად პროპერელები დაუმაგრდება.
ზამთრის პერიოდში მესტიის აეროპორტი 18 ადამიანის ტევადობის თვითმფრინავების მიღებას შეძლებს, ხოლო ზაფხულის პერიოდში აეროპორტს 50 ადამიანის ტევადობის თვითმფრინავის მიღება შეეძლება.
მესტიის აეროპორტი ზღვის დონიდან 1400 მეტრ სიმაღლეზე მდებარეობს, მშენებლობის პროექტზე რამდენიმე ქართული კომპანია მუშაობს და დასაქმებულია 300-მდე ადამიანი.
აეროპორტი საათში ერთი თვითმფრინავის მიღებას შეძლებს.
