საქართველოში საგარეო ვაჭრობის ბრუნვის მოცულობა 2009-09 წლებთან შედარებით 30 %-ით შემცირდა და 5.5 მილიარდი დოლარი შეადგინა.
როგორც დღეს გამართულ ბრიფინგზე დეპუტატმა გია ცაგარეიშვილმა განმარტა, საგარეო ვაჭრობის ბრუნვა, 2008-09 წლებთან შედარებით, 24 %-ით შემცირდა ექსპორტი და 31 %-ით იმპორტი.
"ვარდების რევოლუციის შემდგომ წლებში ექსპორტის წილი საგარეო სავაჭრო ბალანსში მუდმივად მცირდება და თუ 2004 წელს მისი ხვედრითი წილი 26 %-ს შეადგენდა, 2009 წელს 20 % დაეცა, შედეგად 2.3 მილიონ დოლარამდე გაიზარდა უარყოფითი სავაჭრო სალდო, რაც სამჯერ მეტია 2004 წლის ანალოგიურ მაჩვენებლზე. აღსანიშნავია, რომ ფაქტობრივად, ყველა ქვეყნასთან უარყოფითი სავაჭრო სალდო გვაქვს. ვვაჭრობთ 131 ქვეყნასთან, აქედან 101 ქვეყნასთან უარყოფითი სავაჭრო ბალანსი გვაქვს", - აღნიშნა ცაგრეიშვილმა.
დეპუტატმა ყურადღება ქვეყნაში უცხოური პირდაპირი ინვესტიციების შემოდინებაზედაც გაამახვილა და აღნიშნა, რომ "ვარდების რევოლუციის" შემდეგ, 2008 წლის მეორე ნახევარში, იგი შემცირდა და საბოლოო წლიურმა მაჩვენებელმა 1 მილიარდ 564 მილიონ დოლარს მიაღწია, 2009 წელს ქვეყნაში სულ 658 მილიონი დოლარის პირდაპირი ინვესტიციები შემოვიდა, ხოლო 2010 წელს პირველ კვარტალში 76 მილიონი დოლარი, საიდანაც 15 ქვეყნის ინვესტორმა იმავე პერიოდში საქართველოდან 33 მილიონი დოლარის ინვესტიციები გაიტანა.