საქართველოს მთავრობა საერთაშორისო ბირჟებზე ორი ჰესის აქციებს განათავსებს, მოზიდული თანხით კი სამშენებლო სამუშაოს დაფინანსებას გეგმავს.
ენერგეტიკის მინისტრ ალექსანდრე ხეთაგურის განმარტებით, პირველი ჰესი, რომლის IPO-ც მოხდება, სვანეთში აშენდება. 600 მგვტ-ის სიმძლავრის ჰესს "საქართველოს რკინიგზა" ააშენებს, რომლის საპროექტო ღირებულება 500 მლნ დოლარია.
ხეთაგურის განმარტებით, სამინისტრომ კიდევ ერთი 100 მგვტ-იანი ჰესის მშენებლობის პროექტი შეიმუშავა. მინისტრი აცხადებს, რომ კონკურსის წესით პროექტის ოპერატორი კომპანიის შერჩევის შემდეგ, ჰესის მშენებლობა, სავარაუდოდ, 2011 წლის ბოლომდე დაიწყება.