2011 წელს მთავრობა ენერგეტიის სექტორში რამდენიმე მნიშნვენლოვანი პროექტის დაწყებას ელოდება. მათ შორის, ნამახვანის ჰიდროელექტროსადგურების კასკადი და ორი 100-100 მგვატ-იანი სადგური რომლის მშენებლობასაც "თელასი" და "ენერგო-პრო" განახორციელებენ.
მსოფლიო კრიზისის მიუხედავად მავრობა, უცხოელი ინვესტორების მხრიდან, საქართველოს ენერგო სექტორით დაინტერესებას წარმატებულად აფასებს.
"ის პროექტები, რომლის დაწყებაც ნავარაუდევი იყო 2009-2010 წლებში დაწყებულია. ვგულისხმობ "ბახვიჰესს", "ფარავანჰესს", "მტკვარიჰესს", "ლუხუნიჰესების კასკადს"- განაცხადა ენერგეტიკის მინისტრმა ალესანდრე ხეთაგურმა.
2011 წელს მეორე ნახევარში ნამახვანის კასკადის მშენებლობას Nurol Energy Production and Marketing Inc-is, Korea Electric Power Corporation-is da SK Engineering and Construction Co, Ltd -ის კონსორციუმი დაიწყებს. კონსორციუმი კასკადის მშენებლობის დასრულებას ექვს წელში გეგმავს. დაგეგმილი განსახორციელებელი ინვესტიციის ოდენობა 1 მლრდ აშშ დოლარს შეადგენს. კასკადის წლიური გამომუშავება 1,5 მლრდ კვ.სთ იქნება. პროექტის ფარგლებში 20 000-მდე ადამიანი დასაქმდება.
სოფო
აღსანიშნავია, რომ სამცხე-ჯავახეთში მტკვარიჰესს 41 მგვტ-იანი ჰიდროელექტროსადგურის მშენებლობას "კავკასიის ენერგეტიკა და ინფრასტრუქტურას" მიერ დაფუძნებული კომპანია "მტკვარი" ახორციელებს, კომპანიამ ახალციხისა და ასპინძის რაიონებში, ჰიდროელექტროსადგურის მშენებლობისთვის 61 ჰა მიწის ფართი კერძო ფლობელებისგან და სახელმწიფოსგან პირდაპირი შესყიდვის წესით შეიძინა. "კავკასიის ენერგეტიკა და ინფრასტრუქტურა" "მტკვარიჰესის" მშენებლობის დასრულებას 2012 წლისთვის გეგმავს და მშენებლობაში 70 მლნ აშშ დოლარის ინვესტიციას ჩადებს.
78 მგვტ-იან "ფარავანჰესს" სამცხე-ჯავახეთის რეგიონში, კერძოდ, ასპინძის რაიონში თურქული კომპანია " ჯორჯიან ურბან-ენერჯი" აშენებს. თურქული კომპანია საქართველოს ენერგეტიკაში 1 მლრდ. აშშ. დოლარის ოდენობის ინვესტიციის ჩადებას გეგმავს.
ოზურგეთის რაიონში მდინარე ბახვისწყალზე 6 მგვტ-იან ჰესს ~ბახვი ჰიდრო პაუერი~ ააშენებს. კომპანია ჰესის მშენებლობისთვის 9,7 მლნ აშშ დოლარის ინვესტიციას განახორციელებს.
რაჭაში "ლუხუნიჰესების კასკადის" პროექტს ქართული კომპანია "რუსთავმეტალი~ ახორციელებს. ~ლუხუნიჰესების~ მშენებლობა ეტაპობრივად განხორციელდება. კერძოდ, სამი ჰესიდან პირველის მშენებლობა წელს დაიწყო. ჰესები რაჭაში მდინარე ლუხუნისწყალზე აშენდება. ~ლუხუნი ჰესი I~-ის სავარაუდო დადგმული სიმძლავრე 10,8 მგვტ-ია, ~ლუხუნი ჰესი II~-ის - 12 მგვტ, ხოლო ~ლუხუნი ჰესი III~-ის - 7,3 მგვტ.
