ირანის საგარეო საქმეთა მინისტრმა ჰოსეინ ამირ-აბოლაჰიანმა უარყო გავრცელებული ინფორმაცია, რომლის თანხმადაც თეირანი რუსეთისთვის ასობით უპოლოტო საფრენი აპარატის მიყიდვას აპირებს. ამის შესახებ ირანელმა დიპლომატმა იტალიურ გაზეთ La Repubblica-სთვის მიცემულ ინტერვიუში ისაუბრა.
ამირ-აბდოლაჰიანის განცხადებით, მისი ქვეყანა თავს არიდებს ნებისმიერ ქმედებას, რომელმაც შეიძლება უკრაინაში არსებული ვითარების შემდგომი ესკალაცია გამოიწვიოს. მინისტრის თქმით, ესკალაციის გამომწვევ ქმედებათა შორის, სამხედრო ტექნიკის მიწოდებაც მოიაზრება.
ინფორმაცია იმის შესახებ, რომ ირანი რუსეთისთვის საბრძოლო დრონების მიწოდებას აპირებს, თეთრის სახლის ეროვნული უსაფრთხოების მრჩეველმა ჯეიკ სალივანმა გაავრცელა.