შემოსავლების სამსახური ადმინისტრირების გამარტივების რეფორმას იწყებს. ამის შესახებ ცნობილი დღევანდელი მთავრობის სხდომაზე გახდა. როგორც პრემიერ-მინისტრმა განაცხადა, შემოსავლების სამსახურში მრავალ რეფრომა გატარდა და ბევრი სასიკეთო ნაბიჯები გადაიდგა, თუმცა გასაკეთებელი რეფორმების კუთხით ჯერ კიდევ ბევრია.
"შემოსავლების სამსახურში ბოლო პერიოდში კარგი ნაბიჯები გადაიდგა და კარგი რეფორმებიც გატარდა. თუმცა რამდენიმე რეფორმა ისევ გასატარებელია. ეს ეხება ადმინისტრირების გამარტივებას, ადმინისტრირების ავტომატიზაციას. ამ რეფორმების შესახებ ყველამ უნდა იცოდეს და მე ვთხოვ ფინანსთა მინისტრს და შემოსავლების სამსახურის უფროსს, რეფორმის შესახებ საზოგადოებას უახლოეს ხანებში აცნობონ", - განაცხადა პრემიერ მინისტრმა ნიკა გილაურმა.
ფინანსთა მინისტრის კახა ბაინდურაშვილის განმარტებით კი ადმინისტრირების გამარტივების რეფორმის პრეზენტაცია საზოგადეობისთვის უახლოე ხანებში დაიწყება.
"ჩვენ საზოგადოებას წარმოვუდგენთ ადმინისტრირების გამარტივების რეფორმას და ეს აქცია უახლოეს დღეებში დაიწყება და საზოგადოებაც ინფორმირებული იქნება თუ რა სამუშაოები გაწია შემოსავლებს სამსახურმა და კიდევ რა სამუშაოები უნდა გასწიოს. 2011 წლისთვის აქცენტი სწორედ ამისკენ იქნება მიმართული" - განაცხადა კახა ბაინდურაშვილმა.
