ევროპის კარი ღიაა, ვიმედოვნებთ, საქართველოს მთავრობა გადადგამს საჭიროს ნაბიჯებს - აცხადებს ლატვიის პრემიერი კრიშიანის კარინში.
"საქართველოს მთავრობას აქვს ყველა შესაძლებლობა, გადადგას ნაბიჯები და გაატაროს საჭირო რეფორმები, რაც ისედაც ძალიან კარგად იციან, რადგან მუდმივი კომუნიკაცია იყო მთავრობასა და კომისიას შორის. ლატვიისთვის ევროკავშირში გაწევრიანებამდე ძალიან მნიშვნელოვანი იყო რეფორმების გატარება და გაუმჯობესდა მმართველობა. ეს არის ერთ-ერთი მიზეზი, რის გამოც ჩვენი ცხოვრების სტანდარტი დღემდე სულ უფრო და უფრო უმჯობესდება. ამიტომ, რეფორმები მნიშვნელოვანია. ევროპის მხრიდან კარი ღიაა. ვიმედოვნებთ, რომ საქართველოს მთავრობა გადადგამს აუცილებელ ნაბიჯებს", - ამბობს კარინში.
შეგახსენებთ, ევროკავშირის საბჭოს გადაწყვეტილებით, უკრაინასა და მოლდოვას კანდიდატის სტატუსი მიენიჭათ, საქართველოს კი - ევროპული პერსპექტივა.
