აშშ-ის პრეზიდენტ დონალდ ტრამპის განცახდებით, ვერ წარმოუდგენია, რომ დემოკრატები კონგრესში უმრავლესობის მოპოვების შემდეგ მის წინააღმდეგ იმპიჩმენტის ახალ პროცესს დაიწყებენ.
ამის შესახებ ტრამპმა CBS-ის გადაცემა „60 წუთში“ განაცხადა.
„ვერ წარმომიდგენია. რა დავაშავე? პრეზიდენტობის ისტორიაში საუკეთესო ორი წელი მქონდა. ვფიქრობ, საზღვრის გამაგრებისთვის უმაღლეს შეფასებას ვიმსახურებ“, – განაცხადა ტრამპმა.
ტრამპმა ასევე განაცხადა, რომ მისი ადმინისტრაციის საიმიგრაციო პოლიტიკის შედეგად ქვეყნიდან საშიში პირების გაძევებისთვის მაღალ შეფასებას იმსახურებს.
ამასთან, აშშ-ის პრეზიდენტმა აღიარა, რომ ქვეყანაში არალეგალურად შესვლის გამო დეპორტაცია შეეხო ისეთ ადამიანებსაც, რომლებსაც კარგი სამსახური ჰქონდათ და სხვა სამართალდარღვევა არ ჩაუდენიათ.
„ზარალი სწორედ იმან მომაყენა, რომ ქვეყნიდან ისეთი ადამიანებიც გავაძევეთ, რომლებსაც კარგი სამსახური ჰქონდათ და მათი ერთადერთი დარღვევა ის იყო, რომ ქვეყანაში არალეგალურად შემოვიდნენ“, – აღნიშნა ტრამპმა.
მისივე თქმით, სურს, დემოკრატებთან საიმიგრაციო საკითხებზე შეთანხმებას მიაღწიოს.
შეგახსენებთ, რომ 2026 წლის შუალედურ არჩევნებში დემოკრატებმა კონგრესის ორივე პალატაზე კონტროლი მოიპოვეს. პარტიის წარმომადგენლები აცხადებენ, რომ ახალი კონგრესის მუშაობის დაწყების შემდეგ ტრამპის ადმინისტრაციის საქმიანობის ფართო გამოძიებასა და ზედამხედველობას გეგმავენ
