უკრაინაში რუსეთის სამხედრო ინტერვენციის გამო, დიდმა ბრიტანეთმა რუსეთის კიდევ 370 ფიზიკური და იურიდიული პირი შეიყვანა სანქცირებულთა სიაში.

სანქციები მოიცავს აქტივების გაყინვას და მოგზაურობის აკრძალვას.

სანქცირებულთა შორის არიან:

მიხაილ მიშიუსტინი - პრემიერ-მინისტრი;

დიმიტრი მედვედევი - რუსეთის პრეზიდენტი (2008-2012), პრემიერ-მინისტრი (2012-2020) და რუსეთის უშიშროების საბჭოს თავმჯდომარის მოადგილე (2020 წლიდან);

დმიტრი პესკოვი - პუტინის პრესმდივანი;

სერგეი შოიგუ - თავდაცვის მინისტრი;

მარია ზახაროვა - რუსეთის საგარეო საქმეთა სამინისტროს სპიკერი;

მარგარიტა სიმონიანი - რუსეთის მიერ მხარდაჭერილი საინფორმაციო არხის RT-ის მთავარი რედაქტორი;

პიოტრ ავენი - რუსეთის უმსხვილესი საინვესტიციო ბანკის, ალფა-ბანკის თანადამფუძნებელი;

მიხაილ ფრიდმანი - ლონდონში მცხოვრები ოლიგარქი, ალფა ბანკის თანადამფუძნებელი;

მანამდე დიდმა ბრიტანეთმა რუსეთს სავაჭრო შეზღუდვები დაუწესა, მათ შორის არაყზე დამატებითი 35%-იანი ტარიფი.