წარმომადგენლობით სახალხო კრებას პარლამენტის დეპუტატი კარლო კოპალიანიც შეუერთდა. ამის შესახებ წარმომადგენლობითი სახალხო კრების საბჭოს გაფართოებულ პირველ სხდომაზე გახდა ცნობილი.
"სახალხო კრება ერის აზრს წარმოადგენს. მე, როგორც საქართველოს პარლამენტის წევრი და საქართველოს მოქალაქე, ვუერთდები ამ კრებას და მივიჩნევ, რომ დუმილის დრო დამთავრდა. ახლა წყდება ჩვენი ქვეყნის ყოფნა-არყოფნის საკითხი. 25 ნოემბერს იწყება პროცესი საქართველოს გადარჩენისთვის, რომელიც არის საზოგადოების დაკვეთა", _ განაცხადა საქართველოს პარლამენტის დამოუკიდებელმა დეპუტატმა კარლო კოპალიანმა.
გაფართოებული საბჭოს სხდომაზე, გარდა სახალხო კრების საინიციტივო ჯგუფისა, მხარდამჭერი პარტიები და არასამთავრობო ორგანიზციები იმყოფებიან, რომლებმაც დაწყებამდე განაცხადეს, რომ ამ შეკრების მიზეზი 25 ნოემბერს დაგეგმილი აქციის დეტალების დადგენა იყო.
