პარლამენტის თავმჯდომარე დავით ბაქარაძეს იმედი აქვს, რომ საქართველოს პრეზიდენტის ევროპარლამენტში გამოსვლა შედეგის მომტანი იქნება.
"ევროპარლამენტში სიტყვით გამოსვლა არაწევრი ქვეყნებს ლიდერებისთვის გათვალისწინებული არ არის, თუმცა ჩვენთვის ეს გამონაკლისია და საქართველოს პრეზიდენტს საშუალება ექნება ხვალ უკვე მეორედ მიმართოს ევროპარლამენტს", - აღნიშნა დღევანდელ ბიუროს სხდომაზე ბაქრაძემ.
ამასთან, მან იმედი გამოთქვა, რომ ევროპარლამენტის ასეთი განსაკუთრებული დამოკიდებულება საქართველოს მიმართ კონკრეტულ ხელშეკრეულებში და დოკუმანტებშიც აისახება.
შეგახსენებთ, რომ 23 ნოემბერს, საქართველოს პრეზიდენტი მიხეილ სააკაშვილი ევროპარლამენტში სიტყვით გამოვა. სიტყვით გამოსვლისას საქართველოს პრეზიდენტი ვარდების რევოლუციის შემდეგ განხორციელებულ რეფორმებზე, ქვეყნის დეოკუპაციასა და საქართველოს ევროატლანტიკურ სივრცეში ინტეგრაციაზე ისაუბრებს.
ასევე დაგეგმილია პრეზიდენტის შეხვედრა ევროპარლამენტის პრეზიდენტ იეჟი ბუზეკთან. შეხვედრის შემდეგ ერთობლივი პრესკონფერენცია გაიმართება.