შეერთებული შტატების სახელმწიფო დეპარტამენტმა ბრძანება გასცა, რომლის თანახმადაც უკრაინაში ამერიკის საელჩოს პერსონალის ოჯახის წევრებმა ორშაბათიდან დაიწყონ ქვეყნის დატოვება. იუწყება ამერიკული ტელეარხი FoxNews-ი.
ტელეკომპანიის ცნობით, ამ ინფორმაციის დადასტურება აშშ-ის ადმინისტრაციის ოფიციალური პირებისგან მიიღეს.
FoxNews-ის ინფორმაციით, ერთ-ერთმა ოფიციალურმა პირმა, მათთან საუბრისას განაცხადა, რომ მომავალი კვირიდან სახელმწიფო დეპარტამენტი მოუწოდებს უკრაინაში მყოფ ამერიკის მოქალაქეებს, დაიწყონ ქვეყნის დატოვება კომერციული რეისებით, "სანამ ეს ჯერ კიდევ შესაძლებელია".
მანამდე, Bloomberg-ი იუწყებოდა, რომ აშშ უკრაინიდან დიპლომატების ოჯახების ევაკუაციას განიხილავდა.