შეერთებული შტატები უკრაინიდან დიპლომატებისა და საელჩოს თანამშრომლების ევაკუაციის შესაძლებლობას განიხილავს. იტყობინება გამოცემა Bloomberg-ი ანონიმურ წყაროებზე დაყრდნობით.
გავრცელებული ინფორმაციით, მოსალოდნელია საელჩოს თანამშრომელთა ოჯახის წევრების სავალდებულო ევაკუაცია.
"იმ თანამშრომლებს, რომელთა მოვალეობებში არ შედის დიპლომატიური მისიის მუშაობისთვის კრიტიკული ფუნქციების შესრულება, ასევე შეეძლებათ ქვეყნიდან გასვლა, მაგრამ ამ გადაწყვეტილებას ისინი დამოუკიდებლად მიიღებენ", - წერს გამოცემა.
Bloomberg აღნიშნავს, რომ ევაკუაციასთან დაკავშირებით საბოლოო გადაწყვეტილება ჯერ მიღებული არ არის, თუმცა ეს შესაძლოა უახლოეს დღეებში მოხდეს.
ერთ-ერთი წყაროს თქმით, ეკავუაციის შესაძლებლობის განხილვა არ ნიშნავს იმას, რომ რომ აშშ დარწმუნებულია, რომ რუსეთი უკრაინაში შეიჭრება.