შეერთებული შტატები თავის ევროპელ პარტნიორებთან ერთად განიხილავს მოსკოვის მოთხოვნების პაკეტს რუსეთის უსაფრთხოების გარანტიებთან დაკავშირებით. განაცხადა თეთრი სახლის პრესმდივანმა, ჯენ ფსაკიმ რუსეთის საგარეო საქმეთა სამინისტროს მიერ გავრცელებულ განცხადებასთან დაკავშირებით.
ფსაკის თქმით, შეერთებული პარტნიორების გარეშე არ გამართავს არავითარ მოლაპარაკებებს ევროპის უსაფრთხოების შესახებ.
"მინდა აღვნიშნო, რომ არ იქნება არავითარი მოლაპარაკებები ევროპის უსაფრთხოებაზე ჩვენი ევროპელი მოკავშირეებისა და პარტნიორების მონაწილეობის გარეშე", განაცხადა ფსაკიმ.
თეთრი სახლის პრესმდივანმა უარყო კომპრომისების შესაძლებლობა იმ ძირითად პრინციპებზე, რომლებსაც ევროპული უსაფრთხოება ემყარება. მისი თქმით, ეს ასევე ეხება ყველა ქვეყნის უფლებას, განსაზღვროს თავისი მომავალი და საგარეო პოლიტიკა გარე ჩარევის გარეშე.
ამასთან, ჯენ ფსაკიმ იმედი გამოთქვა, რომ რუსეთთან შეთანხმება შესაძლებელი იქნება.
"ათწლეულების მანძილზე ჩვენ ვახერხებდით რუსეთთან მოლაპარაკებას სტრატეგიულ საკითხებზე და მე ვერ ვხედავ მიზეზს, თუ რატომ არ იქნება ეს შესაძლებელი მომავალში", - თქვა მან.
ცოტა ხნით ადრე, რუსეთის საგარეო საქმეთა სამინისტრომ გამოაქვეყნა უსაფრთხოების გარანტიების თაობაზე რუსეთსა და აშშ-ს შორის ხელშეკრულებისა და ნატოსთან შეთანხმების პროექტები.
