აშშ-ის სააპელაციო სასამართლომ დროებით შეაჩერა პრეზიდენტ ჯო ბაიდენის განკარგულება, რომელიც მსხვილ კომპანიებს ავალდებულებდა თანამშრომლების COVID-19-ის ვაქცინაციას.
როგორც იუწყებიან, სასამართლომ ინიციატივასთან დაკავშირებით აღმოაჩინა საკანონმდებლო და კონსტიტუციური პრობლემები, რის გამოც განკარგულება შეაჩერა და ბაიდენის ადმინისტრაციას პასუხის გასაცემად ვადა ორშაბათამდე მისცა.
კანონი, რომელიც იანვრიდან უნდა შესულიყო ძალაში, კერძო კომპანიებს, რომლებსაც 100-ზე მეტი თანამშრომელი ჰყავთ, დასაქმებულების სრულ ვაქცინაციას ან ყოველკვირეულ ტესტირებას ავალდებულებდა.
თეთრმა სახლმა სასამართლოს დადგენილების კომენტირებაზე უარი თქვა, და ყველა შეკითხვა შრომის დეპარტამენტთან გადაამისამართა.
სასამართლომ გადაწყვეტილება რამდენიმე კომპანიის, რელიგიური ორგანიზაციების და ტეხასის, ლუიზინას, მისისიპის, სამხრეთ კაროლინასა და იუტას შტატების ერთობლივი პეტიციის შემდეგ მიიღო.
