ოპოზიციონერი დეპუტატი სალომე სამადაშვილი ეხმიანება "ქართული ოცნების" თავმჯდომარის ირაკლი კობახიძის განცხადებას იმასთან დაკავშირებით, რომ 2024 წლამდე ქვეყანაში საპარლამენტო არჩევნები არ გაიმართება.
სამადაშვილის განცხადებით, იგი დარწმუნებულია, რომ თვითმართველობის არჩევნებს "ოცნება", მთელი ქვეყნის მასშტაბით, დამაჯერებლად წააგებს.
"საქართველოს ამომრჩეველს სურს ხელისუფლების შეცვლა, ამიტომ არ არსებობს არანაირი შესაძლებლობა "ქართული ოცნებითვის," რომ 2024 წლამდე შეინარჩუნოს ძალაუფლება ამ მოცემულობაში, რაც ძალიან კარგად იცის კობახიძემ და ეს განცხადებები ემსახურება მხოლოდ და მხოლოდ მათი პარტაქტივის მობილიზებას ადგილობრივი არჩევნებისთვის, რომელსაც, მე ვპირდები "ქართულ ოცნებას," რომ ისინი ძალიან დამაჯერებლად წააგებენ მთელი ქვეყნის მასშტაბით,"- აცხადებს სალომე სამადაშვილი "რუსთავი 2"-თან საუბრისას.