უკრაინის პრეზიდენტის ადმინისტრაციის ხელმძღვანელი კირილო ბუდანოვი 2 ნოემბერს, პეტროპავლივსკა ბორშჩაჰივკაში მომხდარი მოვლენების დროს რუსული ენის გამოყენებისთვის ჯარიმას გადაიხდის. სახელმწიფო ენის შესახებ კანონმდებლობის დარღვევის ფაქტი აღიარებულია და შესაბამისი სამართლებრივი პროცედურები უკვე დაწყებულია.
ამის შესახებ უკრაინის სახელმწიფო ენის ომბუდსმენმა ლენა ივანოვსკამ განაცხადა.
ივანოვსკას განცხადებით, დარღვევასთან დაკავშირებით სახელმწიფო კონტროლი დადგენილი წესით გრძელდება. ამასთან, ბუდანოვთან უკვე გაიმართა საუბარი, რომლის დროსაც მან სამართალდარღვევის ფაქტი აღიარა.
„კანონით გათვალისწინებული ჯარიმა დადგენილ ვადაში გადაიხდება.
სამართლებრივი სახელმწიფო სწორედ იმით განსხვავდება ქაოსისგან, რომ შეცდომა ფიქსირდება, აღიარებულია და კანონით დადგენილი გზით სწორდება და არა სოციალურ ქსელებში ადამიანების საჯარო გაკიცხვის გზით“, - განაცხადა ივანოვსკამ.
ომბუდსმენმა მოუწოდა საზოგადოებას, ინციდენტი სოციალურ ქსელებში ბულინგის საბაბად არ აქციონ და აღნიშნა, რომ მსგავსი შემთხვევები კანონის ფარგლებში უნდა გადაწყდეს.
