"ქართული ოცნების" თავმჯდომარის ირაკლი კობახიძის განცხადებით, 2024 წლამდე არავითარი რიგგარეშე არჩევნები არ იქნება.
ამასთან, კობახიძემ კიდევ ერთხელ ხაზგასმით აღნიშნა, რომ 19 აპრილის შეთანხმება უკვე ანულირებულია და ამიერიდან ასეთ შეთანხმებას არასდროს შეუერთდებიან.
„შეთანხმება არის ანულირებული, ჩვენ არაერთხელ ვთქვით, რომ მომავალში აღარასდროს ასეთი ტიპის შეთანხმებას აღარ გავაფორმებთ. აქ საუბარი იყო დროებით კონსტიტუციური ჩარჩოდან გასვლაზე, მეორედ ეს აღარასოდეს მოხდება. ამაზე ვართ ჩვენ პასუხისმგებელი“, – განაცხადა ირაკლი კობახიძემ.