შემთხვევების რაოდენობა მაღალია, რაც ჩვენთვის თავისთავად განსაკუთრებული ყურადღების საგანია. მობილიზებული რჩება ჰოსპიტლების ქსელი, ასევე მიდის მუშაობა სასტუმროების ქსელის გაფართოებაზე, - აცხადებს ჯანდაცვის მინისტრის მოადგილე თამარ გაბუნია. მისი თქმით, გასული 24 საათის განმავლობაში დაფიქსირდა 2 261 ახალი შემთხვევა, გარდაიცვალა 18.
„ბოლო პერიოდში მოიმატა პედიატრიული შემთხვევების რიცხვმა. იყო ერთეული შემთხვევები მძიმე მიმდინარეობის. სამწუხაროდ, ორი გარდაცვალებაც დაფიქსირდა ახალშობილებში, თუმცა სხვა შემთხვევების უმეტესობა საბედნიეროდ არის მსუბუქი ან საშუალო სიმძიმის. შედარებით გახანგრძლივებულ ჰოსპიტალიზაციას ვაკვირდებით ბოლო პერიოდში, რაც ასევე საყურადღებოა“, – განაცხადა თამარ გაბუნიამ.