დაავადებათა კონტროლისა და საზოგადოებრივი ჯანრმთელობის ეროვნული ცენტრის ხელმძღვანელის ამირან გამყრელიძის განცხადებით, ქვეყანაში ეპიდემიოლოგიური ვითარება მწვავდება და საშიშროება მეტად სერიოზულია.
ამირა გამყრელიძე გამოვიდა მოწოდებით მოქალაქეების მიმართ, თავი შეიკავონ ხალხმრავალ თავყრილობებში მონაწილეობისა და ორგანიზებისგან.
მისივე თქმით, თუ რეგულაციები არ შესრულდება, დაავადებათა კონტროლის ცენტრი იძულებული გახდება, საკოორდინაციო საბჭოს ახალი შეზღუდვების დაწესების რეკომენდაციით მიმართოს.
"საშიშროება სერიოზულია, ამიტომ ყველამ უნდა გავითავისოთ, რომ ეპიდსიტუაცია მძიმდება, ჩვენ შევდივართ სერიოზულ ტალღაში. დღევანდელი და გუშინდელი მონაცემები დაახლოებით იმეორებს იმას, რაც მაისის პიკზე გვქონდა, ასევე ნოემბრის დასაწყისში გვქონდა. ამას გააჩერებს ორი რამ - დაცვა წესების, რომ ცოტახანი თავი შევიკავოთ ქორწილებზე, ჭირის სუფრებზე, დიდ დაბადების დღეებზე, დიდ თავშეყრებზე, დიდ კონცერტებზე და ა,შ. და ავიცრათ ყველა. უნდა ვიყოთ სოლიდარული, მეტად სოლიდარული. თუ ასე გაგრძელდა გაუარესება, რა თქმა უნდა, დაავადებათა კონტროლის ცენტრი შევა საბჭოში რეკომენდაციით, კიდევ უფრო გამკაცრებისა", - თქვა გამყრელიძემ.