ერთიც კურდღელია, მეორეც კურდღელია და გამოდის, რომ ბიძინა ივანიშვილი მგელია, თუ როგორ არის საქმე? - ასე აფასებს ქართული ოცნების თავმჯდომარის ირაკლი კობახიძის განცხადებებს პარტია საქართველოსთვის ლიდერის გახარიასთან დაკავშირებით საპარლამენტო ფრაქცია "ნაციონალური მოძრაობა - გაერთიანებული ოპოზიციის" თავმჯდომარე ხატია დეკანოიძე.
„ერთი ფრთა ებრძვის მეორე ფრთას და რაღაცნაირად ცდილობენ, რომ ერთმანეთი შეამკონ განსაკუთრებულად მძიმე ლექსიკით. მათთვის ერთიც კურდღელია, მეორეც კურდღელია და გამოდის, რომ ბიძინა ივანიშვილი მგელია, თუ როგორ არის საქმე? სიმართლე გითხრათ, ეს ნაკლებად გვაინტერესებს. მთავარი ამოცანა არის ის, რომ თვითმმართველობის არჩევნებზე მივიდეთ ძლიერად. ბატონი კობახიძის განცხადებები ხშირად არის კარიკატურის შინაარსის და მისი განცხადებების ანატომია არის არამხოლოდ ირონია, არამედ შეურაცხყოფა თუნდაც „ქართული ოცნების“ ამომრჩევლის,“ - განაცხადა დეკანოიძემ.
