შეთანხმება არის კარი საქართველო-ევროკავშირის ურთიერთობების გაღრმავებისკენ, – ამის შესახებ ევროპული საბჭოს პრეზიდენტმა, შარლ მიშელმა საქართველოს პრემიერ-მინისტრთან, ირაკლი ღარიბაშვილთან ერთობლივ პრესკონფერენციაზე განაცხადა.
მიშელმა იმედი გამოთქვა, რომ საქართველოს მთავრობასთან და პარლამენტთან თანამშრომლობა გაგრძელდება არა მხოლოდ რეფორმების განხორციელების, არამედ ახალი პროგრამების დაწყების კუთხით.
„ეს შეთანხმება არის საკვანძო და ძალიან მნიშვნელოვანი იმიტომ, რომ ეს არის კარი საქართველოსა და ევროკავშირს შორის ურთიერთობის გაღრმავებისკენ. სწორედ ამიტომ ვიყავი ასე მოტივირებული, რომ ეს მომხდარიყო სხვადახვა პოლიტიკური აქტორის ძალიან ძლიერი ჩართულობით. ჩვენ ბევრი ვიმუშავეთ ევროპის და საქართველოს ხელისუფლებასთან ერთად ბევრი ვიმუშავეთ გასული თვის განმავლობაში, გვაქვს 500 მიმდინარე პროექტი სხვადასხვა სფეროში და იმედი მაქვს, გავაგრძელებთ მჭიდრო თანამშრომლობას საქართველოს მთავრობასთან, პარლამენტთან არა მხოლოდ რეფორმების შესრულების კუთხით, არამედ იმისთვისაც, რომ დავრწმუნდეთ, ჩვენ ჩამოვაყალიბებთ ძლიერ ამბიციურ პროგრამას მომავალ წლებში. ჩვენ გადავწყვეტთ შემდეგ 2021-2027 წლების პროგრამას“, -თქვა მიშელმა.
