რეჟისორი ქეთი დოლიძე მსახიობ ბესო ზანგურის მიმართ ოჯახში ძალადობის ბრალდებას სოციალურ ქსელში ეხმიანება.
ძალადობაზე თუ რამე გინდა თქვა, 11 წელი არ უნდა ელოდო 5 ათას ლარიან კონვერტს! აბა, ეხლა მეც ჩამქოლეთ - წერს ქეთი დოლიძე სოციალურ ქსელში.
შეგახსენებთ, მსახიობმა ნინუცა მაყაშვილმა ყოფილი მეუღლე, რუსთაველის თეატრის მსახიობი, ბესო ზანგური, ოჯახში ძალადობაში დაადანაშაულა.
ნინუცა მაყაშვილმა 11 წლის წინანდელი ძალადობის ფაქტების შესახებ "რუსთავი 2"-ის გადაცემა "ფარულ კონვერტში" ისაუბრა.
რუსთაველის თეატრი მოკლე განცხადებით გამოეხმაურა გავრცელებულ ინფორმაციას და აღნიშნა, რომ "რუსთაველის თეატრი გმობს ყოველგვარ ძალადობას, მათ შორის, ოჯახურ ძალადობას".
ბესო ზანგური ოჯახში ძალადობის ფაქტებს უარყოფს და ამბობს, რომ ნინუცა მაყაშვილი ცრუობს.
