რეჟისორი ანდრეი ნეკრასოვი ფილმ "რუსულის გაკვეთილების" ავტორი სანქტ-პეტერბურგში გამართული ხელისუფლების წინააღმდეგ მიმართული საპროტესტო აქციის დროს დააკავეს. მასთან ერთად ასევე დაკავებულია აქციის 80 მდე მონაწილე.
შეგახსენებთ რუსი რეჟისორების ანდრეი ნეკრასოვისა და მისი მეუღლის ოლგა კონსკიაიას "რუსულის გაკვეთილები", 2008 წელს მომხდარ რუსეთ-საქართველოს ომს ეძღვნება. "რუსულის გაკვეთილები" ნომინირებულია პრემიაზე " Prix Europa 2010". ". ინფორმაცია ამის შესახებ თავად პრემიის ინტერნეტ-გვერდზე ვრცელდება. ფილმი მოხვდა ნომინაციაში "მიმდინარე მოვლენები".
"რუსულის გაკვეთილები" ამორჩეულია 35 ქვეყნის მიერ წარმოდგენილი 500 ფილმიდან. აღსანიშნავია ასევე, რომ ეს ერთადერთი ნომინანტია რუსეთის ფედერაციიდან.
ივნისში ნეკრასოვმა მიიღო გრიმსტადში გამართული ნორვეგიის ფესტივალის პრემია საუკეთესო დოკუმენტური ფილმისათვის. ამას გარდა, "რუსულის გაკვეთილები" ნომინირებულია კინოს ნორვეგიული პრემიის ყველაზე პრესტიჟულ " Amanda Awards" " პრემიაზე. ფილმი ასევე მონაწილეობდა ამერიკულ " Sundance Film Festival " ფესტივალში.