ვფიქრობ, არსებობს რაღაც ღონისძიებათა ჩამონათვალი, რომლის შეზღუდვა საზოგადოებაზე უფრო მეტ უარყოფით ზეგავლენას ახდენს, ვიდრე თვითონ პანდემიის საკითხი. ეს განსაკუთრებით ეხება საქალაქო ტრანსპორტის საკითხს და განათლების თემას, - ამის შესახებ ალერგოლოგ-იმუნოლოგმა, ბიძინა კულუმბეგოვმა საქართველოს პირველ არხთან საუბრისას განაცხადა.
მისი თქმით, როცა ვსაუბრობთ წერტილოვან დახურვაზე, ბევრი უნდა ვისაუბროთ მეტად წერტილოვან გახსნაზე.
"მესმის, რომ სახელმწიფოს ეშინია, პანდემიის იმ ნიშნულთან არ დავბრუნდეთ, საიდანაც ძლივს გამოვედით, მაგრამ ვფიქრობ, არსებობს რაღაც ღონისძიებათა ჩამონათვალი, რომლის შეზღუდვა საზოგადოებაზე უფრო მეტ უარყოფით ზეგავლენას ახდენს, ვიდრე თვითონ პანდემიის საკითხი. ეს განსაკუთრებით ეხება საქალაქო ტრანსპორტის საკითხს და განათლების თემას. ამიტომ, ჩვენ როცა ვსაუბრობთ წერტილოვან დახურვაზე, ბევრი უნდა ვისაუბროთ მეტად წერტილოვან გახსნაზე. უნდა არსებობდეს უსაფრთხო ტრანსპორტის გახსნის გეგმა. ქალაქის მერია იქნება თუ ნებისმიერი სამსახური, უნდა დაჯდეს და შემოგვთავაზოს გეგმა – ჯერ ვთქვათ, ავტობუსი ამუშავდეს, მეტრო სულ ბოლოს ამუშავდეს. რისკები უნდა განაწილდეს, ყველა ავტობუსში უნდა იყოს სულ მცირე ერთი ადამიან, რომელიც გააკონტროლებს ავტობუსის 30-35%-ით დატვირთვას. ასე თუ არ მოვიქეცით, ვირუსი კიდევ დიდხანს დარჩება ჩვენთან ერთად. ამიტომ ეს ძალიან მნიშვნელოვანია", - თქვა კულუმბეგოვმა.
